Mere Haider Ki Baat Alag Hai Lyrics

کب میں کہتا ہوں علیؑ مجھکو خدا لگتا ھے

پھر بھی دنیا کو مرا عشق برا لگتا ھے

میں نے بس اتنا کہا بعدِ خدا بعدِ نبیؐ

ہاں مرا مولا علیؑ سب سے جدا لگتا ھے

حیدرؑ کی بات الگ ہے

مریم کو بیت المقدس سے باہر بھیجا تھا جب کبریا نے

یہ گھر ولادت کا مرکز نہیں ہے جاؤ یہ بولا خدا نے

آئی جب تیرا رجب

خود یہ کہنے لگا رب

آئیے بنتِ اسد صلے علیٰ کہا میرے

حیدرؑ کی بات الگ ہے

پہنچے جو معراج پرمصطفیٰ تو پردے سے آواز آئی

اے میرے محبوب میری محبت تمکو یہاں کھینچ لائی

جب وہ آواز سنی

آگئے یاد علیؑ

تھی محمدؐ کے لبوں پر یہ صدا میرے

حیدرؑ کی بات الگ ہے

یہ ذالفقارِ علیؑ جانتی ہے چلنا ھے کس پر کہاں سے

مرحب کا سر کاٹنے کیلئے جب حیدرؑ نے کھینچا مَیاں سے

چوم کر دستِ جلی

بول اُٹھی تیغِ علیؑ

آج آئیگا کٹائی کا مزہ میرے

حیدرؑ کی بات الگ ہے

خیبر سے جب آئے شیرِ خدا تو زہراؑ سے تلوار بولی

ایسے کلائی چلائی علیؑ نے میدان میں اے سہیلی

سر سے مرحب کے چلی

فرش پر آکے رکی

کاٹ کے اس کا بدن میں نے کہا میرے حیدرؑ کی بات الگ ھے

کوئی شبیہہِ محمدؐ نہیں تھا سارے عرب کہیں پر

بستر پہ اپنے علیؑ کو سلاکر بولے نبیؐ مسکراکر

اب نہ سمجھے گا کوئی

یہ نبیؐ ہیں یا علی

وقتِ ہجرت یہ محمدؐ نے کہا میرے حیدرؑ کی بات الگ ہے

سنکرعلیؑ کی ولایت کا اعلاں حارث نبیؐ سے یہ بولا

مجھ پر عذابِ خدا آپڑے گر ھے یہ علیؑ سبکا مولاؑ

سر پہ کنکر جو لگا

آئی حارث کو قضا

جتنے منکر تھے اُنہیں کہنا پڑا میرے حیدرؑ کی بات الگ ھے

بولے محمدؐ کے سلمان جاؤ اور سبکو پابند کردو

جتنے بھی دروازے مسجد کے اندر کھلتے ہیں سب بند کردو

یہ بھی کہدینا زرا

ہے یہی حُکمِ خدا

بند نہ ہوگا درِ شیرِ خدا میرے حیدرؑ کی بات الگ ہے

غازیؑ کی چوکھٹ پہ بیٹھے ہوئے تھے ہونٹوں پہ بس یہ دعا تھی

اے مولاؑ عباسؑ ہم پر کرم ہو مدحت کریں مرتضٰیؑ کی

ابھی جاری تھی دعا

ہوگئی ہم پہ عطا

ملکے کہنے لگے ذیشان و رضا میرے حیدرؑ کی بات الگ ہے