| Noha Title | Sakina Kahani Suno |
|---|---|
| Noha Artist | Nadeem Sarwar |
| Click Here To Download Sakina Kahani Suno Lyrics | |
Siyaah Raat Main Zindaan Ke Dar Pay Ro Ro Key
Sakina S.a Kehti Hai Baba Ye Shab Sataati Hai
Judaai Aap Ki Uss Par Ye Khak Ka Bistar
Kahin Andhairey Main Bacho’n Ko Neend Aati Hai
Ye Sun Key Zainab-e-Mazloom S.a Bolin Gham Na Karo
Kahaani Kehti Hoon Mey Ik Suno Sakina S.a Suno
Sakina Kahani Suno
Sakina Kahani Suno
Ik Shehanshah Tha
Haaye Sakina S.a
Ik Shahanshah Tha Yasrab Main Raha Karta Tha
Uss Ka Ghar Wo Tha Key Qura’an Jahan Utra Tha
Dar Pey Gibraeel A.s Saa Darbaan Raha Karta Tha
Uss Ka Aangan Bhi Sitaaro’n Sey Bhara Rehta Tha
Uskey Darwazey Sey Khali Na Koi Jaata Tha
Aasmaan Uss Ki Sakhawat Ki Qassam Khata Tha
(Haan Sakina S.a Kahaani Suno) X2
Usskey Baba Ko Dar-e-Ilm Kaha Jata Tha
Maan Ney Shehzaadi-e-Qounain Laqab Paaya Tha
Uss Key Beto’n Main Nazar Akss-e-Nabbi S.a.w.w Aata Tha
Betiyo’n Ko Gull-e-Pakiza Kaha Jata Tha
Uss Key Ik Bhai Ki Rag Rag Main Wafa Rehti Thi
Ik Behan Saath Mein Saaye Ki Tarha Rehti Thi
(Haan Sakina S.a Kahaani Suno) X2
Aik Din Kia Hua
Haaye Sakina S.a
Ail Din Kia Hua Wo Ghar Sey Safar Par Nikla
Usska Sab Kunba Bhi Qura’an Ki Hifazat Ko Chala
Ashkiaa Ney Ussey Phir Dasht-e-Bala Main Ghaira
Teen Din Tak Usse Paani Bhi Mayyassar Na Hua
Ho Gai Aam Har Ik Jor-o-Jafa Uss Key Liye
Aur Phir Jang Ka Maidaan Saja Uss Key Liye
(Haan Sakina S.a Kahaani Suno) X2
Uss Key Ik Betey Key Seeney Main Sina Toot Gai
Bhai Key Haath Katey, Teer Laga, Mashk Chhidi
Laash Pamaal Bhatijey Ki Bhi Maqtal Main Hui
Bey Zabaan Qatl Hua Usska Chhuree Uss Pey Chali
Uss Shehanshah Key Kunbey Pe Ghareebi Chhaai
Bujh Gaye Sarey Diye Sham-e-Ghareebaan Aai
(Haan Sakina S.a Kahaani Suno) X2
Khaimey Jalney Lagey Nazdeek Sitamgar Aaye
Uss Shehanshah Ki Bachi Ney Tamanchey Khaaye
Kaan Zakhmi Huey Khoon Aankho’n Sey Tapka Haaye
Dhoondney Baap Ko Maqtal Main Wo Kesey Jaaye
Jaltey Daman Ko Liye Ganj-e-Shaheedaan Main Gai
Rassi Gardan Main Bandhi Shaam Key Zindaan Main Gai
Sakinaa Kahaani Suno
Sakinaa Kahaani Suno
Phir Sakina S.a Ney Kaha
Haaye Sakina S.a
Phir Sakina S.a Ney Kaha Rehtey Hain Wo Log Kahan
Bolin Zainab Key Huey Sab Wo Aseer-e-Zindaan
Qissa Aakhir Huaa Neend Aai Naa Tumko Meri Jaan
Boli Ro Ro Ke Sakina S.a Phuphi Ab Neend Kahan
Tum To Kehtin Thi Kahaani Suno Neend Aati Hai
Iss Kahaani Sey Meri Neend Urri Jaati Hai
(Haan Sakina S.a Kahaani Suno) X2
Boli Ro Ro Key Sakina S.a Ye .Mera Qissa Hai
Iss Kahaani Ka Shehanshah Mera Baba Hai
Neza Jiss Key Laga Seeney Main Mera Bhayya Hai
Mera Asghar A.s Hai La’eeno’n Ne Jissey Mara Hai
Bey Rida Tum Ho Phuphi Jaan Meri Jaati Hai
Ye Kahaani To Merey Ghar Ki Nazar Aati Hai
(Haan Sakina S.a Kahaani Suno) X2
Jissko Seeney Pe Shehanshah Ke Neend Aati Thi
Dasht Main Haaye Chacha A.s Keh Ke Jo Chillaati Thi
Jiss Key Kaano’n Sey Lahu Behta Tha Jo Peyaasi Thi
Apney Baba Ki Judaai Main Mari Jaati Thi
Uss Shehanshah Ki Beti Wo Sakina S.a Main Hoon
Jiss Ka Dushwaar Hua Qaid Main Jeena Main Hoon
(Haan Sakina S.a Kahaani Suno) X2
Khatm Jab Sarwar O Rehan Kahaani Ye Hui
Wo Jo Sunti Thi Kahaani Wo Sakina S.a Na Rahi
Thaamey Zanjeer Naqahat Sey Utthha Aik Qaidi
Aik Nanni Si Lehad Kaanptey Haatho’n Se Bani
Sar Shehanshah Ka Goudi Main Lahu Rota Tha
Wa Hussaina A.s Ka Bas Ek Shor Bapaa Hota Tha See Less
***************************
Listen Sakina Kahani Suno Mp3 With Audio By Nadeem Sarwar
Read And Download Sakina Kahani Suno Lyrics In Urdu, Hindi And Enlgish Written
Read Sakina Kahani Suno Noha Lyrics From Our Site naatsharif.org
Sakina Kahani Suno Lyrics In Urdu Will Be Uploaded Soon
Sakina Kahani Suno Lyrics
Sakina Kahani Suno is one of the best Noha by Nadeem Sarwar.
You can listen this Noha online or download in MP3 from this site.
You can also read or download the lyrics of Sakina Kahani Suno
Read or download lyrics of Sakina Kahani Suno in roman urdu, urdu and english.
Sakina Kahani Suno Nadeem Sarwar - Sakina Kahani Suno Nadeem Sarwar
- Karbala Ki Kahani Suno Farhan Ali Waris
- Main Hoon Pani.suno Meri Kahani Farhan Ali Waris
- Suno Hilal Suno Mesum Abbas
- Bas Ali Suno Syed Mohammad Shah
NaatSharif.org brings to you "Sakina Kahani Suno Lyrics Audio" by artist Nadeem Sarwar. To Download Sakina Kahani Suno Lyrics in MP3, simply click the three vertical dots on the mp3 player and then download.
With NaatSharif.org, you will not only enjoy your favorite MP3 Naats, but you will also have access to our best playlists such as Punjabi Naats, Qawwalies, Nasheeds, Nohay and Manqabats.
Disclaimer:
This Audio is strictly meant for Promotional purposes. We do not wish to make any commercial use of this audio and intended to showcase the creativity of the artist involved. The Original Copyright(s) is (are) solely owned by the companies/Original Artist(s)/Record-Label(s). All the contents are strictly done for promotional purposes.
As per the 3rd section of fair use guidelines, borrowing small bits of material from an original work is more likely to be considered fair use. Copyright disclaimer under section 107 of the copyright Act 1976, allowance is made for fair use.